Bigarren eguna

Herenegun, Urriaren 15ean, gure IKT-ko bigarren saioa izan genuen. Egun hau, lehenengo egunarekin alderatuta hobeto joan zen, izan ere, blogaren kontua gehiago kontrolatzen hasi nintzen.

Bigarren egun honetan, blogaren inguruan hainbat gauza egin genituen. Hasteko, bakoitzak bere blogean, aurreko eguneko saio praktikoan egindakoa idatzi genuen. Hori egin eta gero, bloga aztertzen hasi ginen. Horrekin batera, orrialdeak nola egiten ziren ikasi genuen, baita bideo bat nola igotzen den ere. Gainera, gadgetak (erlojuak, egutegiak, eguraldia...) gure blogean nola jarri daitezkeen ere erakutsi zigun irakasleak. Nik, nire blogean erloju bat gehitu nuen.

Azalpen guzti horiek entzunda eta praktikan jarri eta gero, klasearen amaiera iritsi zen. Beraz, aurreko egunean bezala, gelatik irten aurretik gutako bakoitzak hitz bat esan behar izan zion irakasleari. Nire hitza "aurrerapen" izan zen, blogarekin nuen kontrola lehenengo egunekoa baino handiagoa baitzen.

Teknologia berriak gure bizitzan

Lehenengo eguna

Kaixo lagunok!

Bilboko Irakasleen Unibertsitate Eskolako Haur Hezkuntzako Ane Azkarraga ikaslea nauzue. Aurten, 2. mailan nago eta IKT (Informazio eta Komunikazio Teknologiak) da nire lehenengo lauhileko ikasgaietako bat.

Atzo, ikasgai honetako lehenengo saio praktikoa izan genuen informatika gelan. Bertan, hasierako uneetan, k(i)likatik blogean aritu ginen bertan zegoena ikusten eta aztertzen. 

Ondoren, k(i)likatik bloga ondo erreparatu eta gero, ikaskuntza prozesua zailduko duten bost erresistentzia idatzi genituen. Hori egin eta gero, bost horietatik gehien identifikatzen ginen hitza aukeratu genuen. Bigarren jarduera bezala, ikaskuntza prozesuari aurre egiteko bost balio aukeratu behar izan genituen. Behin bost balioak aukeratuta izan eta gero, bost horietatik batekin geratu behar ginen.

Hori egin eta gero, 3-4 pertsonako taldeak egin genituen eta bakoitzaren erresistentzia eta balioak amankomunean jarri genituen. Ondoren, talde bakoitzak erresistentzia eta balio bat aukeratu behar zuen. Gure taldeak erresistentzia bezala, deskonfidantza aukeratu zuen eta balio bezala konfidantza. Amaitzeko, talde bakoitzak bere erresistentzia eta balioak ozen esan zituen denon artean komunean jartzeko.

Azkenik, klasearen amaiera iritsi zen. Irakasleak joan aurretik bakoitzak hitz bat esan zezan eskatu zigun. Niri burura etorri zitzaidan lehenengo hitza "galduta" izan zen, izan ere, gure lehenengo klasea izan zen eta ez nintzen gauza handitaz enteratu.

Gaur bigarren saioan nago. Ia gaurko eguna nola dihoan.

Ondo izan!